baat jo kijiye or jab kijiye
saath mein zikr-e-mehboob kijiye

chahatein woh milein zoq aansoo bahain
laghw baaton se band apnay lab kijiye

lo woh minaar-o-gumbad nazar aa gaye
ab salam arz sub ba adab kijiye

subz gumbad kay saaye talay hain kharay
khoob taqdeer per rashk ab kijiye

woh nawaazein gay khali na lotaayein gay
un se halat arz apni sub kijiye

dar pe akar bhikari phirein na murad
yeh gawara bhala aap kab kijiye

roo baroo jaalion kay kharay hain huzoor
ab ataa bheek shah-e-arab kijiye

aap kay dar kay hotay kidhar jaayein hum
ab ataa bheek shah-e-arab kijiye

deejiye hum ko khairat deedar ki
ab karam ya nabi behr-e-Rab kijiye

mar raha hoon gunaahon kay amraaz se
ek nazar janib-e-jaan balab kijiye

qalb-e-tareek par rakh kay apna qadam
chaandna mere mah-e-arab kijiye

sun kay faryad imdaad ko aa gaye
yaad ubaid-e-raza un ko jab kijiye