dil madinah mera bana aaqa
ho mujhe chashm-e-nam ataa aaqa

ab huzoori ho door doori ho
phir madinay mujhe bula aaqa

mot kar baad bhi suroor aaye
aisi ulfat ki mai pila aaqa

mujh ko siddiq ki sadaqat ka
koi zarra kar ataa aaqa

kaash roay khashiyat-e-Rab mein
behr-e-farooq dil mera aaqa

behr-e-usman ba haya mujh ko
dijiye dolat-e-haya aaqa

behr-e-mola ali mujhe ghalba
dushmano per tu kar ataa aaqa

az paye fatima mujhe apnay
ishq mein har ghari rula aaqa

behr-e-hasnain day panah mujh ko
paikar-e-sabr or riza aaqa

mujh ko sadqay mein bu hanifa kay
aalim-e-baa amal bana aaqa

waasta tujh ko ghous-e-azam ka
naik seerat mujhe bana aaqa

waasta tujh ko alahazrat ka
tu mujhe muttaqi bana aaqa

mere ahl-o-ayaal orr mujh se
door ho jaye har bala aaqa

muskura kar ubaid se keh do
tu mera banda mein tera aaqa