huzoor aisa koi intizam ho jaye
kay phir madina rawana ghulam ho jaye

naseeb waalon mein mera bhi naam ho jaye
jo zindagi ki madinay mein shaam ho jaye

pia raza ne pia jo murshid nay
ataa mujhe shaha aisa jaam ho jaye

fuzool goi se bach jaye ye zaban meri
mera kalam durood-o-salaam ho jaye

shaha ubaid-e-raza dar badar phiray kab tak
huzoor is ka madinah maqam ho jaye

ubaid mar kay madinah mein paa chuka hai baqi
khabar watan mein kabhi to yeh aam ho jaye