jurm-o-isia pe apne lajata hua or ashk-e-nadaamat bahata hua
teri rehmat pe jamata hua dar pe hazir yeh tera gunaahgaar hai

tera sani kahan shah-e-kon o makan or mujh sa aasi bhi ummat mein hoga kahan
tere aff-wo-karam ka shah-e-do jahan mujh se barh kar bhi haqdaar hai

mujrimon ko shaha bakhshwata hai tu sari ummat ki bigri banata hai tu
ghum kay maaron ko seenay lagata hai tu bay kason ka ghum zadon ka tu ghum khaar hai

aye muqaddar ki roothi hawaaon suno haal-e-dil pe yoon muskurao suno
aandhion gardisho tum bhi aao suno mustafa mera hami-o-ghum khaar hai

thokrain dar badar kab talak khaaoon mein phir madinay muqaddar se jab aaoon mein
kaash qadmon mein sarkar mar jaaoon mein ya nabi ye tamanna-e-attar hai