parho durood k molood ki ghari aayi

Ya Rasool Allah salla alaik
Ya Habib Allah sallim alaik

har ek saa'at-o-lamha hai qeemti is ka
har ek raat se barh kar mila isay rutba
isi liye to ye shab behtreen kehlaayi
parho durood k molood ki ghari aayi

Ya Rasool Allah salla alaik
Ya Habib Allah sallim alaik

Khuda ka shukr karo or parho durood un per
k aaj laaye hain tashreef hadi-o-rehbar
zamanay bhar mein hai mash'hoor jin ki yaktayi
parho durood k molood ki ghari aayi

Ya Rasool Allah salla alaik
Ya Habib Allah sallim alaik

chhatay hain badal-e-ghum khushian sath laayi hain
har ek chehray pe ab muskurahat aayi hai
har ek dil mein khushi ki baji hai shehnai
parho durood k molood ki ghari aayi

Ya Rasool Allah salla alaik
Ya Habib Allah sallim alaik

jahan mein subz parchamon ki bahar aayi hai
or aashiqon ne makaan har gali sajaai hai
hai shaad shaad nabi ka har ek tamannayi
parho durood k molood ki ghari aayi

Ya Rasool Allah salla alaik
Ya Habib Allah sallim alaik

jahan goonj utha marhaba k naaron se
khushi hai kaisi na poocho ye ghum k maaron se
yehi wohi raat hai jo kaif ka samaan layi
parho durood k molood ki ghari aayi

Ya Rasool Allah salla alaik
Ya Habib Allah sallim alaik

unhi k dar se darya-e-jood behtay hain
wo aaye jo nahi saail ko nahi kehte hain
sakhawat aisi ataa Rab ne in ko farmayi
parho durood k molood ki ghari aayi

Ya Rasool Allah salla alaik
Ya Habib Allah sallim alaik

shab-e-wiladat-e-sarkar ka hai ye sadqa
k mil gaya hai sana ka ubaid ko jazba
musafir is ki ye mehnat jabeen to rang laayi
parho durood k molood ki ghari aayi

Ya Rasool Allah salla alaik
Ya Habib Allah sallim alaik